網紅的藏寶箱0713 - 0714 宇宙船 扭蛋劇場 曹永廉署
B: 我老公最近入咗個group，叫《我老婆嫁左比曹永廉導致婚姻破裂關注組》，我想問問可以點算？
A: 你有冇打錯呀？你查詢嗰個唔係曹永廉嘅fanpage嚟㗎喎……
A: 應該係曹永廉嘅hater page嚟㗎喎。
B: 我知呀，所以我打嚟你地fanpage哩邊，睇下你地會唔會對啲hater page做啲咩囉？
A: 我地哩啲fanpage，冇哩啲服務㗎喎。
B: 搞錯呀！你地係咪支持曹永廉㗎！而家佢有hater page喎！咁都唔處理？
A: 我地曹永廉署，對哩啲個別事件不作評論㗎喎。
B: 所有事件都係個別事件嚟㗎啦！你地唔幫曹永廉攞返個公道嘅話，咁要你地曹永廉署嚟做咩呀？
A: 我地曹永廉署嘅fans會本住曹永廉嘅精神去做人囉！
B: 曹永廉嘅精神係咩？
A: 就喺RAPTALK三字經入面，曹永廉曾經講過人之初，性本善，性相近，習相遠，苟不教，性乃遷，教之道，貴以專⋯⋯
B: 等陣先！關咩事？
A: RAPTALK三字經就係教識緊我地，做人嘅嘢，為咗搵錢，有時要以大局為重，有啲野明知係錯得交關，都要忍辱負重，連RAPTALK三字經都捱得過，區區一個haters嘅page，算得係咩？唔係咩都要出聲嘅！
香港，勝在有曹永廉署。
Search